Pinaghihinay-hinay ni Defense Sec. Delfin Lorenzana si NTF – ELCAC spokesman at Southern Luzon Command (SolCom) Chief Lt/Gen. Antonio Parlade Jr.
Kaugnay sa usapin ng ginagawa umanong red-tagging ng opisiyal sa kahit sinong indibiduwal.
Ayon kay Lorenzana, nakapag-usap na sila ni parlade nang magpatawag ito ng virtual meeting ng task force.
Aniya, bagama’t wala siyang nakikitang masama sa ginawa ni Parlade, pinagsabihan pa rin niya ito na manahimik na muna sa usapin at pagtuunan na lamang ang tungkulin bilang opisyal ng militar.
Magugunitang naging kontrobersyal si parlade matapos balaan ang aktres na si Liza Soberano at Ms. Universe 2018 Catriona Gray laban sa pagkiling sa grupong gabriela na kilalang front umano ng CPP-NPA at NDF. —ulat mula kay Jaymark Dagala (Patrol 9)
