Sumuko sa mga otoridad ang 24-anyos na miyembro ng New People’s Army (NPA) mula sa Zamboanga City.
Kinilala ni Western Mindanao Command (WestMinCom) Chief Lt. General Corleto Vinluan, Jr. ang suspek na si Cirilo Biosa Sumibay alyas “Ken-Ken” at “Joy” na team leader ng abe Squad One, Guerilla Front Sendong ng Western Mindanao Regional Party Committee ng NPA.
Isinuko ni Sumibay ang kanyang AK47 assault rifle, pitong long magazines, 185 na bala, isang bandolier at isang jungle hammock.
Sinabi ni Sumibay na nadismaya siya sa kabiguan ng NPA na tuparin ang pangakong financial support sa kanila.
Naka-engganyo rin aniya sa kaniyang sumuko ang nakitang magandang pagbabago sa buhay ng mga dati niyang kasamahan sa NPA na nagpasyang magbalik-loob sa gobyerno.
