Arestado ang 21-taong gulang na second year student sa Miami makaraang pagbantaan nitong papatayin ang kanyang mga kaklase.
Ang Suspek na si Emily Sakamoto, estudyante ng Emory University ay nag-post ng mga pagbabanta sa social media na kanya umanong babarilin ang kanyang mga kaklase at uunahin nito ang mga nasa labas ng classroom.
Dahil sa takot ng mga nakabasang kaklase ni Sakamoto, tumawag ang mga ito sa 911 at isinuplong ang plano ng dalaga.
Agad inaresto ng mga otoridad si Sakamoto at kasalukuyang nakakulong sa Newton County Jail.
Matatandaang nitong mga nakaraang linggo ay naging talamak ang campus shooting sa Estados Unidos kung saan pinakahuli ang pamamaril na naganap sa Oregon kung saan 9 na estudyante ang nasawi.
By Ralph Obina
