Umakyat na sa tatlo ang kabuuang bilang ng mga evacuee o bakwit sa marikina city ang nagpositibo sa COVID-19.
Ito’y makaraang madagdagan pa ng dalawa ang bilang ng mga nagpositibo sa virus batay sa resulta ng kanilang swab test.
Maliban dito, sinabi ni Marikina City Mayor Marcelino Teodoro na nasa isandaan pa ang napag-alamang reactive o nagpositibo sa rapid test at kailangang isailalim din sa swab test.
Una nang nagpositibo sa COVID-19 ang isang senior citizen na bakwit mula sa Barangka Elementary School na ngayo’y nasa ligtas nang kundisyon.
Gayunman, nabatid na positibo na pala sa virus ang nasabing pasyente subalit pinalabas pa rin ito ng ospital kaya’t nakahawa ito.