Patuloy na nangunguna ang Estados Unidos sa mga bansa sa mundo na may pinakamataas na kaso ng COVID-19 sa buong mundo.
Batay sa datos mula sa John Hopkins University sa Amerika, umabot sa 187,833 bagong kaso ang naitala ng nabanggit na bansa sa loob lang ng isang araw.
Ito na ayon sa nasabing unibersidad ang pinakamataas na one day total buhat nang magsimula ang COVID-19 pandemic.
Dahil dito, pumalo na sa kabuuang 11,715,316 ang mga tinamaan ng COVID-19 sa Amerika.
Nakapagtala pa ito ng 215,000 bagong nasawi kaya’t umakyat na ang kabuuang death toll sa nasabing bansa sa 252,535.
Samantala, aabot na sa kabuuang 57,245,965 ang naitatalang kaso ng COVID-19 sa buong mundo.