Kabilang ang 15 taong gulang na bata sa limang kababaihang nasagip mula sa 23 anyos na sex trafficker na si Denzel Pilapil.
Ayon sa operatiba ng Women and Children Protection Central-Luzon Field Unit at DSWD, inaresto ang suspek sa isang motel sa Brgy. Potrero, Malabon City.
Sinabi ni Women and Children Unit Chief Police Lieutenant Col. Jun Rodrigueza, na isinasagawa ni Pilapil ang pakikipag-deal at pakikipag-usap sa kanyang mga kliyente sa pamamagitan ng SMS o txt messages.
Narekober naman ng mga otoridad mula sa suspek ang P12,500 na marked money at isang cellphone na ginagamit nito sa kanyang pakikipag-transaksyon.
Itinanggi naman ng suspek na magbigay ng anumang komento hinggil sa ipinupukol sa kanyang mga alegasyon.
