Naaresto ng mga tauhan ng Philippine National Police – Anti Kidnapping Group (PNP-AKG) ang isang lalaking matagal nang tinutugis ng mga awtoridad sa Misamis Oriental.
Kinilala ni PNP AKG Director P/BGen. Jonnel Estomo ang naaresto na si Welmore Sutin na number 3 station level most wanted sa lugar at nahaharap sa kasong rape.
Naaresto si Sutin ng pinagsanib na operasyon ng PNP- AKG at iba pang unit ng pulisya sa Iligan City at Misamis Oriental Provincial Police Office sa Brgy. Poblacion, El Salvador City sa bisa ng Warrant of Arrest
Hunyo 2017 nang isakatuparan ni Sutin ang krimen laban sa biktimang kinilalang si Regine Intelizo sa Brgy. Tibanga, Iligan City at mula noon ay hindi na nakita matapos magtago.
Kasalukuyang nasa kostudiya na ng El Salvador City PNP si Sutin para isailalim sa booking and documentation procedure bago iharap sa korte para sa kaniyang kinahaharap na kaso.
