Pumalo na sa 8,578 ang kabuuang bilang ng COVID-19 cases sa hanay ng pambansang pulisya.
Sa datos ng PNP health service, ito’y makaraang maitala ang 19 na mga bagong kaso ng virus.
Mababatid na 439 pa ang nanatiling aktibo sa COVID-19.
Sa kaparehong datos, naitala ang 59 na mga bagong gumaling sa virus, dahilan para lumobo ang bilang ng recoveries nito sa 8,112.
Samantala, nanatili namang nasa 27 ang bilang ng mga nasawing pulis dahil sa COVID-19. — ulat mula kay Jaymark Dagala (Patrol 9)
