Tiniyak ni National Security Adviser Hermogenes Esperon na handa ang tropa ng pamahalaan sa posibleng gawin ng mga komunistang rebelde.
Ito’y kasunod ng pahayag ng CPP-NPA na hindi sila magdedeklara ng ceasefire ngayong holiday season.
Ayon kay Esperon, mananatili lang ang red alert status ng Armed Forces of the Philippines at Philippine National Police at handa ang mga ito kung mayroon mang gagawing kaguluhan ang NPA.
Hindi rin umano bago kung mayroon mang banta ang NPA dahil dati pa naman aniyang nariyan ang kanilang presensya at mga pag-aaring armas.
