Lima katao ang patay sa pagsabog ng isang sasakyan sa Kabul sa Afghanistan.
Batay sa ulat, apat sa nasawi ay mga doktor habang ang isa ay driver ng isa sa mga manggagamot.
Ang naturang mga doktor ay nagta-trabaho sa isang kulungan sa Kabul.
Sinasabing patungo sanang Pul-E-Charki prison ang naturang mga doktor nang sumabog ang “magnetic” bomb na nasa kanilang sasakyan.
Sa ngayon ay wala pang umaakong grupo na responsable sa pagsabog.
