Inihayag ng Pasig Transport na kanilang sususpindihin ang biyahe ng kanilang libreng sakay sa lungsod dahil sa holiday season.
Sa abisong inilabas ng Pasig Transport, sinabi nito walang operasyon ang kanilang libreng sakay sa December 24 at 25.
Matapos nito, muling magbabalik-operasyon ang naturang libreng sakay pagsapit ng December 26.
Muli naman itong sususpindihin sa December 30 at magtatagal hanggang sa Bagong Taon, January 1, 2021.
Samantala, sa January 2 naman magbabalik sa regular na operasyon ang libreng sakay ng lungsod ng Pasig.
