Nagbukas na ang ilang linya ng Skyway Stage 3.
Ayon sa Twitter post ng Skyway Operations and Maintenance Corporation (SOMCO), mag-aalas-10 ng umaga nang buksan ang Balintawak Southbound On-Ramp ng Skyway Stage 3.
Sinabi ni Department of Public Works and Highways (DPWH) Secretary Mark Villar na pagbaba ng Balintawak ramp ay North Luzon Expressway na at malapit na sa toll plaza.
Isang dry run ang isinagawa ngayong araw na ito para sa buong mainline ng Skyway Stage 3 at apat na linya lamang muna ng kalsada ang bukas.
Sa sandaling maging fully operational, ang travel time mula NLEX patungong SLEX at pabalik ay nasa halos 30-minuto na lamang.
#SkywayStage3 Advisory as of December 29, 12:00 PM:
Balintawak Southbound On Ramp: OPEN
Quezon Ave. NB and SB On Ramp: OPEN
Plaza Dilao Southbound On Ramp: OPEN
Buendia (Zobel) Northbound On Ramp: OPEN
Buendia Northbound: OPEN— SKYWAY SOMCO (@SkywaySOMCO) December 29, 2020
