Tiniyak ng MERALCO na hindi pa mapuputulan ng kuryente ngayong buwan ang mga hindi pa updated ang bayad sa kanilang bill.
Ayon kay MERALCO Spokesperson Joe Zaldarriaga, bilang konsiderasyon sa mga customers kung saan marami pa sa kanila ang hindi pa nakakapagbayad, hindi nila magiging prayoridad ngayon ang disconnection.
Ani Zaldarriaga maaari naman silang makausap upang umasiste at makatulong sa paghanap ng solusyon anoman ang problema kaugnay sa bill ng kuryente ng kanilang mga customer.
Ngayong Enero ibabalik ng MERALCO ang sobrang nakolekta sa mga kustomer sa mga nakalipas na buwan at ngayong buwan din sisingilin ang kanilang naging undercollection.
