Nanawagan ng dayalogo si Israeli Prime Minister Benjamin Netanyahu kay Palestinian leader Mahmoud Abbas para tuluyan nang mawakasan ang kaliwat kanang karahasan na nagaganap sa Israel.
Ayon kay Netanyahu, bukas siyang makipag pulong at makipagkita ng personal sa liderato ng palestina ngunit ang problema aniya ay tila hindi naman handa si Abbas na maka-usap siya.
Binigyang diin pa ni Netanyahu na handa rin siyang kausapin sina US Secretary of State John Kerry at pinuno ng Jordan na si King Abdullah.
Matatandaang pitong Israeli ang patay sa magkakahiwalay na insidente ng pananasak sa Israel nitong mga nakaraang linggo kung saan ang mga suspek ay mga Palestinians.
By Ralph Obina
