Ipinag-utos ni Armed Forces of the Philippines (AFP) Chief Gen. Gilbert Gapay ang tuluyang paglipol sa nalalabing puwersa ng New People’s Army (Npa) bago matapos ang taon.
Ito’y ayon sa AFP Chief makaraang i-ulat nito na malaki na ang nabawas sa mga miyembro ng iba pang mga lawless element tulad ng Abu Sayyaf Group at ng Bangsamoro Islamic Freedom Fighters (BIFF).
Ayon kay Gapay, pagkakataon na ito lalo’t humina na ang puwersa ng mga rebelde dahil sa pinaigting na operasyon at sunod-sunod na pagsuko ng mga opisyal at miyembro nito.
Dagdag pa ng AFP Chief, aabot sa 54 na iba pang guerilla fronts at siyam na regional armed groups aniya ang malapit na ring mabuwag.
