Nasagip ng mga awtoridad sa Corcuera, Romblon ang isang 33-anyos na mangingisda mula Quezon province.
Ayon sa Corcuera Municipal Police Station, sa tulong ng Philippine Coast Guard ay nailigtas ang biktimang si Manuel Risaba ng San Francisco, Quezon habang lulan ng bangka na ilang araw nang nagpalutang-lutang sa dagat.
Kuwento ni Risaba, pabalik na siya ng Quezon nang mamatayan ng makina ang kanyang bangka nitong Miyerkules hanggang tangayin ito ng malakas na hangin at napadpad sa Romblon.
Nasa pangangalaga ng lokal na pamahalaan ng Corcuera si Risaba at nakatakdang ihatid sa kanilang lalawigan.
