Nadagdagan ng 23 ang bilang ng mga namatay na Pilipino na nasa ibang bansa dulot ng Coronavirus Disease 2019 (COVID-19) ngayong Miyerkules, Pebrero 10.
Ito ay batay sa tala ng Department of Foreign Affairs (DFA) kung saan sumampa na sa 977 ang kabuuang bilang ng lahat ng nasawing Pilipino abroad.
Nakapagtala naman ng 2 bagong kaso ngayong araw at pumalo na sa 14,556 ang kumpirmadong kaso ng COVID-19.
Nasa 4,424 naman sa mga ito ay patuloy pang nagpapagaling, habang 9,155 naman ang mga nakarekober na.— sa panulat ni Agustina Nolasco
