Inihirit ng isang mambabatas sa pamahalaan na magkasa ng malawakang information campaign hinggil sa coronavirus disease 2019 (COVID-19) vaccine.
Ayon kay ACT-CIS Congresswoman Niña Taduran, mahalaga na maipaabot sa publiko ang sapat at tamang impormasyon para mas maintindihan ng mga ito ang anumang tatanggaping bakuna.
Dagdag pa ni Taduran, walang dapat ikatakot sa anumang adverse effects na pupwedeng maranasan dahil lumabas sa mga pag-aaral na minimal at non-life threatening ang mga ito.
Sa huli, giit ni Taduran sa publiko na huwag matakot sa bakuna dahil mas nakakatakot ang banta ng COVID-19.
