Tatlong katao ang patay habang isa ang sugatan matapos bumagsak ang isang eroplano sa SUV sa Florida.
Ayon sa Police Chief, nangyari ang insidente matapos na magkaproblema sa engine ang eroplano na pabalik sana sa South Florida ng biglang bumagsak ito sa SUV.
Lulan ng SUV ang isang apat na taong gulang na batang lalaki na si Taylor bishop at ang kaniyang ina na siyang nagmamaneho ng naturang sasakyan.
Sinabi ng isang residente nakarinig sila ng pagsabog at ng makita ito ay tumambad sa kanila ang nasusunog na sasakyan.
Bukod dito, pinilit na ilabas ng ina ang kanyang anak sa sasakyan at agad naman itong naitakbo sa ospital ngunit hindi na ito umabot.
Gayunman, hindi pa nakikilala ang dalawang tao sa eroplano nasawi.
Samantala, patuloy pa rin ang isinasagawang imbestigasyon sa nangyaring insidente.
