Hindi pa handa ang mga Filipino sa “Davao city-like” umano na sitwasyon sa ilalim ng pamumuno ng mag-amang Pangulong Rodrigo Duterte at Mayor Sara Duterte.
Ito ang paniniwala ni Sen. Panfilo Ping Lacson matapos mapaulat ang panliligaw ng PDP-Laban sa Pangulo para tumakbo sa darating na halalan bilang bise presidente.
Habang maingay din ang mga taga suporta ni Mayor Sara kung saan hinihimok siyang tumakbo bilang susunod na Presidente ng Pilipinas.
Ayon kay Lacson, kung uubra sa Davao ang tandem ng mag-ama o political arrangement ng mga ito, hindi ibig sabihin ay maaari rin itong gawin sa buong bansa.
Sakali kasi aniyang mangyari ito, tila magiging barangay o village ng Davao ang Pilipinas at hindi umano ito magandang tingnan.
