Patay ang 32 katao habang sugatan naman ang mahigit 100 iba pa sa salpukan ng dalawang tren sa Sohag City sa Egypt.
Ayon sa health ministry, lumalabas sa paunang imbestigasyon na bigla na lamang pumreno ang isang tren dahilan upang mabundol ito ng isa pa na nakabuntot umano dito.
Sa lakas ng impact, tatlo pang sasakyan ang nadamay at bumaliktad.
Nagbabala naman si Egyptian President Abdel Fattah el-Sisi na may mananagot sa sinumang mapatutunayang responsable sa madugong aksidente.
