Pinaiimbestigahan ni Department of Transportation o DOTr Secretary Arthur Tugade ang mga taong nasa likod na tinatawag na “COVID-19 Smuggling”
Ito ay kaugnay sa kumakalat na video sa social media na maraming tao ang lulan ng isang truck na papunta sana sa Metro Manila kung saan ang ilang pasahero ay hindi nakasuot ng facemask at walang social distancing.
Ipinabatid sa DWIZ ni Tugade ang mga taong ito ay kinakailangan sumailalim sa testing dahil sa patuloy na pagkalat ng COVID-19 sa bansa.
Bukod dito, sinabi ni Tugade na mananagot ang mga sangkot at bibigyan ng parusa upang hindi na maulit ang naturang insidente.— sa panulat ni Rashid Locsin
