Hinikayat ng Department Of Health o DOH ang mga lokal na pamahalaan na magtayo ng karagdagan pang vaccination sites para mas mapalakas pa ang COVID-19 inoculation program ng gobyerno.
Sinabi ni Health Undersecretary Maria Rosario Vergeire na malaki ang magagawa ng maraming vaccination sites para mapabilis ang pagbabakuna sa kanilang mga residente.
Nariyan kasi ang posibilidad na nahihirapan ang ilang lokal na pamahalaan na magtakda ng iskedyul ng vaccination ng mga residente dahil sa dami pa ng mga nauna nang nakapagparehistro na magpapabakuna.
Kaya naman mas makabubuti umano kung mapapalawak pa o madadagdagan pa ng mga lokal na pamahalaan ang kanilang vaccination sites.
