Patay ang isang senior citizen habang nakapila sa community pantry na binuksan ng aktres na si Angel Locsin sa barangay Holy Spirit, Quezon City.
Kinilala ang senior na si Rolando Dela Cruz, 77 anyos.
Batay sa ulat ng otoridad, bandang alas nueve ng umaga ng himatayin habang nakapila si Dela Cruz.
Itinakbo pa si Dela Cruz sa East Avenue Medical Center ngunit idineklara na itong dead on arrival.
Ayon sa Task Force Disiplina, alas dos pa lang ng madaling araw ay pumila na si Dela Cruz sa pagasang makakuha ng pagkain sa community pantry.
