Nakapagtala ng karagdagang 12 bagong kaso ng COVID-19 ang Department of Foreign Affairs sa mga Pinoy na nasa ibayong dagat ngayong Huwebes.
Bunsod nito, umakyat na sa kabuuang 18,325 ang kaso ng COVID-19 sa mga Pilipino abroad, kung saan 5,947 rito ay patuloy na nagpapagaling at 11,233 naman dito ay nakarekober na.
Samantala, 1,145 naman ang kabuuang nasawi habang wala namang naitalang bagong kaso ng namatay ngayong araw.
Tinatayang nasa 94 na bansa na ang naitalang may mga Pilipinong nadapuan ng COVID-19.
