Nakatakdang tumanggap ng biretta o ‘yung pulang sinusot sa ulo si Archdiocese of Manila, Cardinal Jose Advincula sa darating na Mayo 28.
Ayon sa abiso ng Catholic Bishops’ Conference of the Philippines (CBCP), pangungunahan ni Apostolic Nuncio to the Philippines, Archbishop Charles Brown ang naturang seremonya na siyang idaraos sa Immaculate Conception Metropolitan Cathedral sa Roxas City sa Capiz.
Bukod naman sa Biretta, igagawad din kay Advincula ang singsing na sumisimbolo ng kanyang posisyon sa Simbahang Katolika.
Kasunod nito, ayon sa tagapagsalita ng Archdiocese ng Capiz, kanilang lilimitahan sa 300 katao lamang ang pwedeng makadalo sa naturang seremonya kay Advincula bilang pagsunod na rin sa health protocols kontra COVID-19.
