Patay ang pitong raliyista sa pagsabog ng isang bomba sa ginanap na pro-Palestinian rally sa Chaman, Pakistan.
Ayon sa ulat, bukod sa mga nasawi, 17 iba pa ang sugatan sa pambobomba.
Nabatid na habang nagsasagawa ng rally ang ilang tao na inorganisa ng isang religious political party ay bigla na lamang sumambulat ang pampasabog na itinanim sa isang nakaparadang motorsiklo sa lugar.
Wala pang umaakong grupo sa naturang pag-atake.
