Naisipan ng lokal na pamahalaan ng Las Piñas na magpa-raffle ng house and lot at iba pang papremyo sa mga residente nitong magpapabakuna laban sa COVID-19 upang mahikayat ang mga ito na magpabakuna.
Ayon kay Rep. Camille Villar,marami pa rin kasing senior citizens at Pilipino ang nagdadalawang isip na magpabakuna dahil sa posibilidad na makaranas ng side effects.
Magsisimula ang naturang paraffle simula Hulyo 10 kung saan pangkabuhayan package ang maaaring mapanalunan ng mga magpapabakuna habang lupa’t bahay naman ang grand prize at dalawang motorsiklo ang consolation prize sa Disyembre.
Samantala, nilinaw naman ni Villar na hindi galing sa pondo ng gobyerno ang gagastusin para sa mga ibabahaging mga papremyo
Matatandaang pinag-aaralan na ang National Task Force COVID-19 ang pagbibigay ng mga incentives sa sinomang magpapakuna bilang panghikayat sa taong-bayan.
