Pinalawig ng Pilipinas ang travel ban sa mga biyahero mula India kung saan unang na-detect ang Delta variant ng COVID-19.
Inaprubahan ni Pangulong Rodrigo Duterte ang extension ng travel restrictions sa India, Pakistan, Bangladesh, Sri Lanka, Nepal, United Arab Emirates at Oman simula June 16 hanggang June 30.
Una nang tinukoy ng World Health Organization bilang variant of global concern ang Delta variant.
Ang nabanggit na uri ng COVID-19 ang dahilan ng mataas na bilang ng infection sa India na 29.5 million kabilang ang 370,305 fatalities.
Pangalawa ang India sa may pinakamataas na COVID-19 infections sa buong mundo. — Sa panulat ni Drew Nasino.
