Bibigyang prayoridad sa COVID-19 vaccination drive ng gobyerno ang mga lugar na nasa Modified Enhanced Community Quarantine o MECQ, pangalawa sa pinaka mahigpit sa lockdown level.
Ayon kay Cabinet Secretary Karlo Nograles, paglalaanan na ng mas maraming doses ng bakuna ang mga lugar na nasa MECQ dahil ikinukonsidera na rin ang risk classification dito dahil sa mataas na bilang ng kaso ng COVID-19.
Una rito, ipinag-utos ni Pangulong Rodrigo Duterte ang pagpapadala ng mas maraming bakuna sa mga lugar na tumataas pa ang infection rate.
