Umapela ng suporta si Vice President Jejomar Binay sa kanyang mga ka-brod sa Alpha Phi Omega Fraternity.
Sa ginanap na APO’S 8th Mindanao fellowship lunch sa Tagum city, binigyang diin ni Binay ang mahalagang papel ng nasabing fraternity sa pagunlad ng bayan.
Sa kanyang talumpati, sinabi ng bise presidente na mas nagiging makabuluhan na ang mga isinasagawang proyekto ng apo na naglalayong tumulong sa mga nangangailangan.
Nanawagan si Binay sa kanyang mga kabrad na tulungan siyang makamit ang gobyernong nangangalaga sa mga mahihirap at nagpapahalaga sa demokrasya.
Kasama ni VP Binay sa nasabing event ang ilan sa mga senatoriable sa ilalim ng UNA na sina Sarangani Rep. Manny Pacquiao, dating Special Action Force Director Getulio Napeñas, broadcaster Rey Langit, Sulu Sultanate Princess Jacel Kiram at si Atty. Allan Montano.
By: Jonathan Andal
