Pinag-iingat ng Commission on Higher Education (CHED) ang mga magulang gayundin ang iba pang kolehiyo at unibersidad sa bansa.
Ito’y kasunod ng nagpapakilalang mga indibiduwal na opisyal umano ng Unified Student Financial Assistance System for Tertiery Education o UNIFAST.
Ayon kay CHED Chairman Prospero De Vera na siya ring tumatayong Board Chairman ng UNIFAST, nangangako umano ang mga scammer na pabibilisin ang kanilang accreditation kung kukuha ito ng benepisyo sa kanilang tertiery education subsidy.
May isinasagawa pang ceremonial awarding ang mga kawatan at namimigay ng pekeng unifast certificates of accreditation lalo na sa mga member schools nito.
Ang UNIFAST ay isang attached agency ng CHED na ang pangunahing layunin ay ang pagpapatupad ng libreng pag-aaral at subsidiya sa kolehiyo sa ilalim ng Universal Access to Quality Tertiery Education Act.
