Patay ang 28 pasahero kasama ang dalawang bata at anim na crew ng isang eroplano matapos bumagsak sa Kamchatka Peninsula sa Russia.
Ayon sa report, ang Antonov an-26 twin engined turboprop ay nanggaling sa Petropavlovsk-Kamchatsky at patungong palan sa Kamchatka North nang mawala sa radar.
Ipinabatid ng Rosaviation na ilang bahagi nang bumagsak na eroplano ay natagpuan sa apat hanggang limang kilometro mula sa runway ng Palana airport.
Iniimbestigahan na ng mga otoridad ang insidente na unang isinisi sa masamang panahon.
