Magbibigay ng libreng sakay ang pamunuan ng Metro Rail Transit Line 3 (MRT3) sa lahat ng Persons With Disabilities (PWDs) na pasahero mula bukas hanggang Hulyo 23.
Ito’y bahagi ng pakikiisa sa selebrasyon ng ika-43 National Disability Prevention and Rehabilitation (NDPR) week.
Kailangan lamang magpakita ng PWD ID sa security personnel sa pagsakay sa mga istasyon.
Samantala, magsisimula ang naturang libreng sakay mula alas-7 hanggang alas-9 ng umaga at alas-5 ng hapon hanggang alas-7 ng gabi sa nasabing petsa.
