Halos 100% na ng mga Pulis sa Maynila ang nabakunahan na kontra COVID-19.
Sa mahigit 4K tauhan ng Manila Police District, 98.3% nito ang fully vaccinated na kabilang ang mga non-uniformed personnel.
Ayon kay MPD Public Information Officer Capt. Philipp Ines, bilang isa sa mga itinuturing na frontliners, malaking bagay na halos lahat sa kanila ay nabakunahan na.
Ligtas na sa posibleng malalang kondisyon ng COVID-19 ang pakiramdam ng karamihan at ang bakuna aniya ay ang sagot talaga para makabalik na sa normal na buhay.
Target na mabakunahan pa ang mga tauhang hindi pa natuturukan para maging 100% nang fully vaccinated ang MPD.
