Pumanaw na ang 58 taong gulang na ginang na nagpositibo sa Delta variant.
Ayon kay Health Undersecretary Maria Rosario Vergeire, ito na ang ikalawang naitalang nasawi dahil sa mas nakahahawang variant ng COVID-19 sa bansa.
Dagdag pa ni Vergeire, bago masawi ang ginang, ay nakaranas ito ng sintomas ng virus at nang dalhin na sa ospital ay doon na nalamang malubha na ang sakit nito.
Sa ngayon ay patuloy pang inaalam ng ahensya kung naturukan na ng bakuna ang ginang.
Magugunitang naitala ng health department ang unang nasawi sa bansa dahil sa Delta variant sa katauhan ng isang 63 taong gulang na lalaki at isa sa mga seafarers ng MV Athens Bridge.
