Handa na ang latag ng seguridad para sa State Of the Nation Address (SONA) ni Pangulong Rodrigo Duterte sa Hulyo 26.
Pinangunahan kanina ni National Capital Region Police Office (NCRPO) Director P/Mgen. Vicente Danao Jr. ang pulong ng Joint Task Force SONA sa Kampo Karingal.
Ayon kay danao, aabot sa 15,000 pulis ang kanilang ipakakalat sa paligid ng Batasang Pambansa para tiyakin ang seguridad at kaligtasan ng mga magkakasa ng kilos protesta.
Binigyang diin pa ni Danao, na bagama’t iginagalang nila ang kalayaan sa paghahayag ng saloobin, nananatili pa rin ang banta ng COVID-19 kaya’t kailangang masunod ang mga ipinatutupad na minimum health and safety protocols.
Dagdag pa ng NCRPO Chief, gagamitin din ng mga pulis ang kanilang body worn cameras sa mismong araw ng SONA upang mamonitor ang lahat ng sitwasyon at matiyak na hindi sila malulusutan.
