Posibleng pa ring tumaas sa 18,000 hanggang 30,000 ang karagdagang COVID-19 cases kahit muling isailalim ang NCR sa isang buwang lockdown.
Ito, ayon kay DOH Undersecretary Maria Rosario Vergeire, ay batay sa forecast ng mga eksperto.
Hindi naman anya 100% bababa ang kaso ng COVID-19 kahit may ECQ pero ito ang kanilang nakikitang paraan upang mapabagal ang pagkalat pa ng mas nakahahawang Delta variant.
Nilinaw din ni Vergeire na wala pang ebidensya na Delta variant na ang dahilan ng kasalukuyang pagtaas ng COVID-19 cases at hindi pa naman umano huli ang gobyerno sa pagpapatupad ng lockdown.
Unang scenario na ipinakita, kung meron tayong isang linggo na GCQ with heightened restrictions, at pagkatapos susundan ng tatlong linggo na ECQ. Ang isang scenario naman na pinakita rin ay apat na linggo ng hard lockdown. And dito po sa mga scenario nakakita po ng increase in the number of cases from 18,000 to 30,000+ case. ‘Yan ay naka ECQ na po tayo. So ang sinasabi lang po natin, this lockdowns will help us prepare the system but it is not going to control the spread. Kailangan pa rin po nating iprepara ang sistema. Gawin po natin ‘yung mga dapat nating gawin para ma-prevent na po natin ang further spread ng Delta variant na ito, ani Vergeire” — sa panulat ni Drew Nacino.
