Isang grupo ang umaapela na itigil na ng US ang military assistance nito sa Pilipinas.
Ito’y sa gitna ng isyu ng umano’y Human Rights Violations na nagaganap sa war on drugs ng administrasyong Duterte.
Ayon kay Miles Ashton, International Council for Human Rights and Policy Legislative Coordination, ayaw nilang magamit ang pera ng mga tax payer sa US para pondohan at gamitin laban sa mamamayan ng Pilipinas at makagawa ng paglabag sa karapatang pantao.
Giit ni Ashton, ito ay pera ng US, tulong mula sa US at isyu ng US Sovereignty, kaya malaking bagay aniya kung saan mapupunta ang pera ng ibinabayad ng mga tax payer sa US.
Dapat din umano ay kilalanin ang kanilang desisyon bilang US Citizen kung ano o saan dapat gamitin ang kanilang pera at hindi sa mga gawaing paglabag sa karapatang pantao.