Nagbabala si Navotas City Mayor Toby Tiangco sa mga indibidwal na naka-schedule para tumanggap ng COVID-19 vaccine na hindi sumisipot sa vaccination site na kanila itong i-ba-blacklist.
Ito’y ayon kay Tiangco, matapos na lumabas sa kanilang tala na halos 500 katao ang naka-schedule sanang mabakunahan pero ‘no-show’ o hindi sumipot.
Giit ni Tiangco na sa ganitong gawain ng iilan na hindi sumisipot sa araw ng kanilang pagbabakuna, ay naaapektuhan ang ilang residente ng lungsod na gustong-gusto nang mabakunahan.
Sa huli, sinabi ni Tiangco na ang hindi sisipot sa kanilang araw ng pagtanggap ng bakuna ay ma-ba-blacklist at hindi bibigyan ng bakuna hanggang hindi pa natatapos bakunahan ang lahat ng populasyon nito.
