25 crew ng roro vessel ang nananatili pa rin sa loob ng barkong nakadaong sa Batangas matapos magpositibo sa COVID-19.
Ayon kay Barangay Port Manager Joselito Sinocruz, batay sa kanilang imbestigasyon, may dalawang bumaba sa Batangas bago pa umalis ang rorong St. Anthony De Padua ng 2GO patungong Caticlan.
Nanakit kasi umano ang dibdib nito kaya ibinaba at dinala sa ospital.
Lumarga ang nasabing roro na may sakay na 134 na pasahero.
Pabalik na ang barko mula Caticlan noong Agosto 4 nang malaman na nagpositibo sa COVID-19 ang unang dalawang pasahero na bumaba.
Ayon sa 2GO posibleng nakasalamuha ng dalawa ang mga crew bago bumaba ang mga ito sa Batangas.
Sa ngayon ay ibinabahagi na ang mga detalyeng nakuha nila sa mga health official para makatulong sa imbestigasyon at contact tracing.