Pumalo na sa 32,077 ang kabuuang bilang ng mga pulis na dinapuan ng COVID-19.
Ayon sa PNP health service, ito’y makaraang maitala ang 158 na mga panibagong kaso ng virus. 1,841 naman ang bilang ng mga nananatiling aktibo sa COVID-19.
Gayunman, nakapagtala pa rin ng 184 na mga nakarekober sa COVID-19, dahilan para umakyat ang bilang na ito sa 30,147.
Samantala, sa kaparehong case bulletin, nasa 89 na ang bilang ng mga nasawing pulis dahil sa COVID-19 matapos na madagdagan ng isang panibagong nasawi.
