Doble kayod ang pambansang pulisya para pigilan ang anumang tangkang pag-atake ng mga ‘Local Terrorist Group’ sa gitna ng nagpapatuloy na banta ng COVID-19.
Ayon kay PNP chief, General Guillermo Eleazar na pinalakas ng PNP ang kanilang presensya sa mga komunidad at gayundin ang pakikipag-ugnayan sa mga lokal na pamahalaan para makontrol ang mga grupong ito.
Dagdag pa ni Eleazar na mahigpit din ang kanilang koordinasyon sa mga counterparts sa Armed Forces of the Philippines (AFP) para matiyak ang kaligtasan ng publiko.
Sa huli, binigyang-diin ni Eleazar na mahalaga pa rin ang pagtutulungan ng bawat isa o ang Whole-Of-Nation-Approach para masawata ang mga teroristang grupo.
