Sumampa na sa 99 ang bilang ng mga nasasawi dahil sa COVID-19 sa hanay ng Philippine National Police o PNP matapos madagdagan ito ng 1 sa nakalipas na magdamag.
Ini-ulat ni PNP Chief P/Gen. Guillermo Eleazar nabatay sa datos ng PNP Health Service, isang 44 anyos na Police Lieutenant Colonel ang pinakabagong nasawi nitong ika-18 ng Agosto matapos mahirapan sa paghinga dulot ng virus.
Sa kabuuan ay sumampa na sa 33,034 ang bilang ng mga tinamaan ng COVID-19 sa PNP matapos madagdagan ito ng 123 bagong kaso kung saan ay 1,757 dito ang nananatiling aktibo .
Gayunman, nananatiling mataas pa rin ang bilang ng mga gumagaling sa sakit araw araw kung saan, nasa 179 ang naitala kahapon kaya’t umakyat na sa 31, 178 ang total COVID-19 recoveries sa hanay ng PNP.—ulat mula kay Jaymark Dagala (Patrol 9)
