Tinatayang lima hanggang walong milyong doses ng bakuna kontra COVID-19 ang inaasahang darating sa bansa bago matapos ang buwan.
Ayon kay Vaccine Czar At National Task Force against COVID-19 Chief Implementer Sec. Carlito Galvez Jr., kabilang dito ang Sinovac, Pfizer at Moderna COVID-19 vaccines.
Maliban dito, sinabi pa ni Galvez na inaasahan rin ang monthly pledge ng Covax facility na tatlong milyong doses ng bakuna.
Sa ngayon mahigit 13 milyong Pilipino na ang fully vaccinated laban sa COVID-19 habang nasa 16.9 milyong indibidwal naman ang nakatanggap ng first dose.—sa panulat ni Hyacinth Ludivico
