Pumalo sa 940 ang bilang ng aktibong kaso ng COVID-19 ang naitala sa Zambales nitong linggo.
Ito na ang pinakamataas na naitala sa lalawigan mula ng magsimula ang pandemya.
Ayon kay provincial health director Dr. Noel Bueno, kabilang sa mga tinamaan ng virus ang siyam na health workers.
51 naman ang nadagdag sa bilang ng mga nakarekober habang 177 naman ang nasawi sa nasabing sakit.
Aabot naman sa 624 suspected COVID-19 cases ang mino-monitor ngayon ng mga health worker sa Zambales.—sa panulat ni Hyacinth Ludivico
