Pinalagan ni Presidential Spokesman Harry Roque ang mga opposition Senator dahil sa pag-iingay hinggil sa overpriced umanong Personal Protective Equipment o PPE ng kasalukuyang administrasyon.
Ayon kay Roque, hindi re-electionist si Pangulong Duterte sa May 2022 national elections, pero kapansin-pansin na naging mas abala ang mga kritiko ng administrasyon na gumawa ng isyu laban sa gobyerno.
Special mention ng Palace official sina Senator Franklin Drilon at Risa Hontiveros na wala anyang patid sa pagbatikos sa issue ng overpriced umanong PPE.
Kumbinsido si Roque na ginagawa ito ng oposisyon dahil sa takot na matalo muli ang kanilang mga kandidato sa halalan.—sa panulat ni Drew Nacino
