Inanunsyo ng Department ng Education o DEPED na pagtutuunan nila ang kindergarten hanggang grade 3 sa pilot run ng face to face classes.
Ayon kay DEPED Undersecretary Nepomuceno Malaluan, hindi naman magiging full operation ang mga paaralan habang isinasagawa ang pilot test.
Sabi pa ni Malaluan na rekomendasyon ito ng Department Of Health o DOH at medical expert na kanilang kinunsulta.
Ayon pa sa kanya, nasa 12 lang na mag-aaral sa kindergarten at hindi tataas sa 12 ang isasama mula grade 1 hanggang grade 3 na magtatagal lang ng tatlong oras.—sa panulat ni Rex Espiritu
