Anim ang kumpirmadong nasawi sa Thailand dahil sa pananalasa ng tropical storm Dianmu.
Ayon sa Thai Disaster Prevention and Mitigation Department, nagdulot ito ng pagbaha sa 30 mga probinsya kung saan aabot sa 70,000 mga bahay ang naapektuhan.
Samantala, naglagay na ng sandbags ang mga sundalo upang protektahan ang mga ancient archaeological ruins at landmarks, maging ang mga kabahayan sa Old Royal Capital Ayutthaya, Bangkok.
Patuloy namang binabantayan ng Bangkok Metropolitan Administration ang lebel ng tubig sa Chao Phraya river.—sa panulat ni Hya Ludivico
