Nakikipag ugnayan na ang NBI sa mga testigo na nakausap ni Bree Jonson gayundin ng umano’y kasintahang si Julian Ongpin bago nasawi ang nasabing artist.
Sa gitna na rin ito nang isinasagawang parallel investigation ng NBI hinggil sa pagpatay kay Jonson.
Ayon kay Justice Secretary Menardo Guevarra, nakuha na ng NBI ang sworn statements ng mga kasama nina Jonson At Ongpin noong gabing mamatay ang naturang artist.
Ipinabatid pa ni Guevarra na nakumpleto na ng NBI ang autopsy sa labi ni Jonson subalit ilang test pa ang gagawin para malaman ang naging dahilan nang pagkamatay nito.
Hindi naman tinukoy ni Guevarra ang resulta ng autopsy bagama’t lumalabas sa autopsy report ng PNP na nasawi si Jonson ng asphyxia.
